Нэгдүгээр ангийн элсэлтийн цахим бүртгэл эхэллээ

2025-2026 оны хичээлийн жилийн Төрийн өмчийн ерөнхий боловсролын сургуулийн нэгдүгээр ангийн элсэлтийг наймдугаар сарын 17- 28-ны өдрийг дуустал E-Mongolia системээр хүлээн авна.

Энэ жил 2019 оны нэгдүгээр сарын 01-нээс 2019 оны арванхоёрдугаар сарын 31-ний хооронд төрсөн, зургаан настай хүүхдүүд нэгдүгээр ангид цахимаар бүртгүүлэх боломжтой. Урьдчилсан тооцоогоор Монгол Улсын хэмжээнд нийт 78,189 хүүхэд нэгдүгээр ангид элсэн суралцахаар байна.

Эцэг эх, асран хамгаалагчид хүүхдээ цахимаар бүртгүүлэхдээ дараах зүйлсийг анхаарна уу.

Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх. Хэрэв шилжилт хөдөлгөөн хийсэн бол түүнийг наймдугаар сарын 05-ны өдрөөс өмнө баталгаажуулсан байх шаардлагатай.