МУГТ Б.Сэр-Од 44 насандаа 12 дахь дэлхийн аваргадаа оролцож, барианд орлоо

Япон улсын Токио хотод Хөнгөн атлетикийн дэлхийн аварга шалгаруулах тэмцээн үргэлжилж байна. Есдүгээр сарын 13-21-ний хооронд болох 20 дахь удаагийн уг тэмцээнд МУГТ Б.Сэр-Од эрэгтэй марафон гүйлтийн 42 км-ийн төрөлд уралдаж, 65 дугаар байрт шалгарлаа.

Дэлхийн 198 орны 2202 тамирчин оролцож байгаа энэ удаагийн ДАШТ-д манай улсын дөрвөн марафонч эх орноо төлөөлж буй бөгөөд МУГТ Б.Сэр-Од 44 настай буюу хамгийн ахмад нь байна. Түүний хувьд 12 дахь дэлхийн аваргадаа оролцож буй нь энэ юм. Мөн тэрбээр хөнгөн атлетикийн ДАШТ-ий түүхэнд марафон гүйлтээр хамгийн олон удаа оролцсон тамирчин гэгдэж байна.