“Малчдыг чадавхжуулах сургалт”-ыг 2 үе шаттай зохион байгууллаа

Хүнс, хөдөө аж ахуй, хөнгөн үйлдвэрийн яамны харьяа Малын удмын сангийн үндэсний төв Бүгд Найрамдах Солонгос улсын Хөдөөгийн хөгжлийн газрын харьяа КОПИА Монгол төвтэй хамтран хэрэгжүүлж буй “Монгол оронд тохиромжтой үхрийн аж ахуйн дэвшилтэд технологи нэвтрүүлэх” төслийг үе шаттай хэрэгжүүлж байна.

Төсөлд Дархан-Уул, Сэлэнгэ, Төв, Өвөрхангай аймгийн 10 сумын малчид хамрагдаж байгаа юм.

Төсөлд хамрагдсан сумдын “Малчдыг чадавхжуулах сургалт”-ыг үе шаттайгаар кохион байгуулж байна. Энэ удаагийн сургалтыг КОПИА Монгол төвийн малын нөхөн үржихүйн мэргэжилтэн доктор Park Yeon Soo ахлан сургалтыг явуулав. Онолын хичээлийг Малын удмын сангийн үндэсний төвийн сургалтын танхимд, практик хичээлийг Төв аймгийн Баянчандмань суманд явуулж малчдыг онол практикийн мэдлэгээр хангаж, малчдыг малын ашиг шимийг шинжлэх ухаанч байдлаар нэмэгдүүлэх, тэжээлийн орц найрлагыг судалгаа, туршилтаар батлагдсан жишгээр хэрэглэх, хиймэл хээлтүүлгийг хэрхэн үр ашигтай хийж малын генетик чанарыг сайжруулах ур чадваруудаар чадавхжуулжээ.