ӨРХИЙН, БИЧИЛ, ЖДҮ-ИЙН ХЭРЭГЦЭЭ, ШААРДЛАГА ХЭЛЭЛЦҮҮЛЭГ БОЛЛОО

Монгол Улсын Их Хурлын Аж үйлдвэржилтийн бодлогын байнгын хорооны Өрхийн, Бичил, Жижиг, дунд үйлдвэрлэлийг дэмжих, хөгжүүлэх бодлогын хүрээнд холбогдох санал, дүгнэлт гаргах, шийдвэрийн төсөл боловсруулах үүрэг бүхий Ажлын хэсгийн гишүүд, Жижиг, дунд үйлдвэрийн газрын Зээл, төслийн хэлтсийн дарга Н.Энхтөр нар Хэнтий, Дорнод, Сүхбаатар аймагт ажиллаа.

Тус ажлын хүрээнд “Өрхийн, бичил, жижиг, дунд үйлдвэр үйлчилгээний салбарын өнөөгийн байдал, хууль тогтоомжийг шинэчлэх хэрэгцээ шаардлага” сэдэвт цуврал хэлэлцүүлгийг зохион байгуулж, жижиг, дунд үйлдвэрлэл эрхлэгчдийн төлөөлөлттэй уулзаж санал солилцов.