Тэтгэврийн нэмэгдэл ахмадуудад адил тэгш нэмэгдсэн үү

Энэ сарын сарын нэгнээс эхлэн төрийн албан хаагчдын цалин болон ахмадуудын тэтгэвэр нэмэгдэж байна. Цахим орчинд иргэд ээж аавынхаа тэтгэврийг 50 мянган төгрөгөөр нэмэгдлээ гэсэн сэтгэгдлүүд их байгаа ч зарим иргэдийн тэтгэвэх хоёр дахин нэмэгдсэн тухай мэдээлэл ч гараад байна.

Тодруулбал УИХ-ын гишүүн Ж.Чинбүрэн аавын маань тэтгэвэр 550 мянган төгрөг байсан. Харин одоо 1 сая 39 мянган төгрөг болж хэмээн олонд нээлттэй мэдээлсэн нь олон хүнд хардлага төрүүлсэн зүйл боллоо.

УИХ-ын гишүүн Б.Пүрэвдорж хэлэхдээ:

Ж.Чинбүрэн гишүүн хадам аав 550 мянган төгрөгийн тэтгэвэр авч байсан бол  770 мянган төгрөг болж л нэмэгдэх ёстой. Гэтэл яагаад 1 сая 39 мянга болж нэмэгдэв гэдэг өөрөө асуудал байхгүй юу?  Эндээс л хүмүүст том эргэлзээ бий болж байна.

Нийт тэтгэвэр авагчдын 80 гаруй хувь нь 400-500 мянган төгрөгний тэтгэвэртэй. Эдгээр иргэдийн тэтгэвэр  50 мянган төгрөгөөр нэмэгдэж, УИХ-ын гишүүний хадам аавын тэтгэвэр хоёр дахин нэмэгдэх нь хэн бүхний нүдийг орой дээр гаргасан үзэгдэл болов.